దున్నపోతు

"యదవ, యదవున్నర యెదవ.
పేపర్లో పెద్ద బొక్క!!
మారవా నువ్వెంతకీ ఇంకో పక్క,
మార్కుల దానం ఆపరా యెదవ
గ్రేడు కోసం పాటు పడరా పనికి రాని మొదవ."

పనికి రాని ఎద్దు పని చెయ్యదు బాబూ...
చదువు పేరు చెప్పి నన్ను కదిలించ లేరు బాసు...
స్లీపు త్యాగం జేసి,చదువ పుస్తకం బట్టాలా???
దున్న పోతు మీద వర్షం దులిపేస్తే పోదా????

డైరెక్టర్

నిండు జాబిలి,
పసిడి వెన్నెల
జిలిబిలి తారలు,
సరసన సుందరి
దూరాన సాగర అంబర సంగమం
దగ్గరగ నెచ్చెలి యవ్వనం
ఇన్నింటిని ఒక మాటున నాకు ఇచిన ఆ దర్శకుని నెర్పరి తనం
కవికందని కావ్యం
రవికందని కమలం.

గాలిపటం

యెడారి దారిన వంటరి నడకన,
తీగ తెగిన గాలిపటం నేను.
తీరు తెన్ను లేక, తగిన పద్ధతి లేక
వంటరిని నేను.
బాటసారిని నేను.
గాలెటు వీస్తే అటూగిపోతా
గాలి లేని వేళ నిట్టుర్చి భువికొరిగి పోతా.

భూమిని చేరితి పతంగం నేను
పెట్టండి నాకొక్క పొడవైన తోక,
కట్టండి ఈ సారి ద్రుఢమైన తాడు.

నీలాల ఆ మబ్బు బుగ్గల్ని చుంబించి
ఆ కబురు నీ చెవిన సన్నంగ వదిలేస్త
ఆ ఎత్తు పవనాల నే చెసిన ఊసులు
విడమరచి విడమరచి నీ చెవిన చెప్తా.
పైనున్న ఆ పిట్ట పాటల్ని విన్నాక
ఆ రాగాల మూటల్ని నీ కడకు తెస్త.

కట్టండి కట్టండి ద్రుఢమైన తాడూ..
పెట్టండి ఈ సారి పొడవైన తోక.

మేధావులు మహనీయులు చరిత్రయన్
చిరకాలం నిలిచిన మ్రుత్యుంజయ మనుషులు
తెగిన గాలి పటం, వారి బ్రతుకులను
తెరిగెగుర వేసిరి.
మనుషుల మనసులలొ చిర కాలం నిలిచిరి.

భూ వొడిని చేరిన ఈ గాలిపటమే
రెప రెప లాడు రోజు ఇంకెంత దూరం!!
తీరు తెన్నులు లేని ఈ కవి రాజు
గగన వీధిన గర్జించు రోజు ఇంకెంత దూరం!!!!

ఢిల్లీ పట్టణం

ఢిల్లీ ఢిల్లీ మహా పట్టణం
భారతానికిది మహోత్తేజితం
హిందీ పలుకుల హస్థినాపురం
దేశ ప్రజలకిది రాజధాని నగరం.

చలి చలి రోజుల సీతా కాలం
బయ్టకి పోతే బిగుసుకు పోతాం
వేసవి వేడిమి ఉడికిస్తుంటే
కూలర్ గాలి కొంత వరకూ బెస్టే.

పార్లమెంటు, పురానీ దిల్లీ, లాల్ కిలా
మహా పట్టణం శోభలు ఎన్నో.
క్యుతుబ్, అక్షర్ధాం, ఇండియా గేట్
రాజధాని నగరం రంగులు ఇంకెన్నో!

ముఘల్ చక్రవర్తుల ముద్దు బిడ్డ ఢిల్లీ
మహా నాయకులు వెలసిన ఢిల్లీ
నెహ్రూ చాచా నడిచిన ఢిల్లీ
మనదేలేవోయ్, మనదే ఢిల్లీ.

హిందూ ముస్లిం పంజాబీలు
అన్నదమ్ములుగ మెలగే ఢిల్లీ.
దక్షిన ఉత్తర తూర్పు దేశం
ఒకటిగ వెలసిన అద్భుత నగరం.

మహా పట్టణం మఱ్ఱి నీడలో
మంచిగ బ్రతికిన ప్రాణులు ఎన్నో.
ఢిల్లీ పట్టణ దర్శన భాగ్యం
దొరకని తనువులు ఇంకెన్నో!!

గాంధీ బాటన గొఱ్ఱెను కాను.....

బురద కూపం ఈ సమాజం లో
యంత్రపు నీడలొ,
కష్టం తెలియక
నడుం కదల్చక,
చక్రాలతో బతుకును నడిపే ఈ రోజులలో
గాంధీ బాటన గొర్రెను కాను...

రోజుకో రేపు
రోజూ ఓ పేచీ.
సైబర్ క్రైములు,సెక్సు స్క్యాములు
భూ కబ్జాలు, బడా కుంభకోనాలు
నేటి మనిషి పురోగతికి పగల బడి నవ్వడా..మహాత్ముడు!!!
మానవత మట్టి లో...మనుషులు,అథః పాతాళం లో
మనిషి మనిషికి దూరం తగ్గె....మనసుకి మనసుకి దూర పెరిగె..
గాంధీ దేశం కలల్లోనే బతికే...

మానవత అహింసలు కరువైన నా దేశం లో...
గాంధీ బాటన గొఱ్ఱెను కాను.....

నవ సమాజం....

నవ సమాజం వర్ధిల్లాలి,నవ సమాజం వర్ధిల్లాలి
మనిషి మనుగడ వర్ధిల్లాలి,మానవ సమాజం వర్ధిల్లాలి
కాసుల గలగల కళ్ళ ముందు మెదలాలి,మన ఇంటి సౌభాగ్యం మిల మిల మెరవాలి.
నవ సమాజం వర్ధిల్లాలి,నవ సమాజం వర్ధిల్లాలి.

గంధీ మాటలు బట్టి లో పోసారు.అవును మీరు కాక ఇంకెవరు చేసారు??
ఆయన చేతలు చరిత్రలై పోయాయి, మాటలు మట్టి లో కలిసాయి
గంధీ అడుగుల అడుగు వేసిన భారతం ఏది? కట్టలు తెంచుకున్న దేశ భక్తి ఏది ??
'నేనూ,'నా' తప్ప అర్థమెరుగని సమాజం......నవ సమాజం వర్ధిల్లాలి.

ముష్ఠి బ్రతుకుల బడా బాబులు, లంచ గొండులు,దగా కోరులు
గుండెలు కాల్చి,బ్రతుకులు మాడ్చి...రక్తం పీల్చీ రఖ్ఖశి వీరులు.
సందు దొరికితే లంచం,సంతకానికో లఖారం.
నాయక లోకం వర్ధిల్లాలి,నవ సమాజం వర్ధిల్లాలి.

ముందు తరాలకు సాక్షాన్నవుతా,మన తరం వేషాలు విప్ప దీసి చెప్తా
మన సమాజం కల్మష క్రియలు గుర్తుండేలా ప్రతిధ్వనిస్తా. కుళ్ళు గుండెల కుప్ప తొట్టెల మనసుల మనుషుల ఈ సమాజం లో,
మంచి మనిషికి చోటెక్కడ? తోటి మానవునికి తోడెక్కడ??ఐనా కూడా...
నవ సమాజం వర్ధిల్లాలి,నవ సమాజం వర్ధిల్లాలి.

తమ తండ్రులు, తమ తాతలను తిట్టి పోస్తే ముందు తరం ,
అపుడు చచ్చి బూడిదైన మనకి బుధ్ధొస్తుందా???
సెవాలైన మనకి సిగ్గొస్తుందా??? ఐనా.....
నవ సమాజం వర్ధిల్లలి,నవ సమాజం వర్ధిల్లలి.

ముష్ఠి గీతం

'అమ్మ ధర్మం,బాబు ధర్మం'
:వొంటి పాదం కుంటుతు ధర్మం నడిచే కాలం,
'చెయ్యండమ్మా ధర్మం.'
:కలియుగ ధర్మం ఇంతే లేరా....
'చెయ్యండమ్మ చిన్న సహాయం.'

"పిదికెతొ పట్టెదు బియ్యం పడెయ్."
ఇదేనా అమ్మా! భేషైన కార్యం???


ఆత్మ గౌరవం తెగనరికి,
సిగ్గులజ్జలని బూడిద జేసి,
మన వాకిట నిలిచి చేజాచిరి.
ముష్ఠి గీతం అందుకొంటిరి.

చిప్ప చేత బట్టి,చిరుగు బట్ట తొడిగి,
మన వాకిట నించున్న ఆ నల్ల సూరిడు కలిసి నాతో ఈ భూమికి వచ్చాడు.
డబ్బు సంగతి తెలియని ఆ వెర్రి పిచ్చోడు,తెలియక ఆ ముష్ఠి ఇంట పడ్డాడు.
ముష్ఠికి మహ రాజుకి దూరం ఇలా ఉండేనా,అమ్మా??
ఐతే మరు జన్మ లొ నే కూడా ముష్ఠి గీథం పాడవలసిందేనా అమ్మా!!!